389.000 á mann í tvíbýli

Við ætlum að njóta lífsins í Langhe og Roero í Piemonte og ferðast um á rafhjólum. Paradís hjólaáhugamanna, sælkera og vínunnenda, þar sem gróskumiklar vínekrur, endalausar hæðir, stórfenglegt útsýni og litlir miðaldabæir móta hina fullkomnu ferð. Það er ekki að ástæðulausu að þetta svæði sé á heimsminjaskrá UNESCO. Dásamleg gisting í sveitinni, hjólaferðir, slökun, matarupplifun og margt fleira í einstakri ferð.

Þátttakendur í ferðinni þurfa að vera nokkuð vanir að hjóla. Erfiðleikastuðullinn er meðalhár og sumar brekkurnar eru nokkuð krefjandi en þá hjálpar rafmagnið auðvitað til. Það er alltaf trússbíll með í för og a.m.k. tveir fararstjórar, þannig að enginn er skilinn eftir og allir fara á sínum hraða.

Gist verður á hotel Relais Montemarino sem er nýlega uppgert sveitasetur. Virkilega fallegt, hreinlegt hótel með æðislegu útsýni til Alpanna. Á hótelinu er einnig sundlaug og verönd fyrir sólbaðsaðstöðu.

Verðið miðast við einstakling í tveggja manna herbergi. Fyrir þau sem vilja dvelja í einstaklingsherbergi bætast 100þ kr. við heildarkostnað.

Casa Maja áskilur sér rétt til þess að endurgreiða staðfestingargjald og fella niður ferð ef lágmarksþátttaka næst ekki.